Actress Kim Sharma-Leander Paes are on vacation in Goa, the two are rumored to be having an affair. | એક્ટ્રેસ કિમ શર્મા-લિએન્ડર પેસ ગોવામાં વેકેશન મનાવી રહ્યાં છે, બંને વચ્ચે અફેર હોવાની ચર્ચા

[ad_1]

મુંબઈ2 દિવસ પહેલા

  • કિમ શર્માના સંબંધો લિએન્ડર પહેલાં હર્ષવર્ધન રાણે સાથે હતાં.

બોલિવૂડ એક્ટ્રેસ કિમા શર્મા તથા ટેનિસ પ્લેયર લિએન્ડર પેસ વચ્ચે અફેર હોવાની ચર્ચા જોરશોરથી થઈ રહી છે. હાલમાં બંને ગોવામાં ક્વોલિટી ટાઇમ સ્પેન્ડ કરી રહ્યાં છે. બંનેની તસવીરો વાઇરલ થઈ છે. આ તસવીરો જોઈને ચાહકો માની રહ્યાં છે કે બંને વચ્ચે માત્ર મિત્રતા નથી.

ગોવામાં વેકેશન મનાવી રહ્યાં છે
કિમ શર્મા તથા લિએન્ડર પેસ ગોવામાં વેકેશન મનાવી રહ્યાં છે. એક તસવીરમાં કિમ શર્મા તથા લિએન્ડર લંચ લઈ રહ્યાં છે તો અન્ય એક તસવીરમાં લિએન્ડર પેસે કિમ શર્માની કમર પર હાથ મૂક્યો છે. લિએન્ડર તથા કિમે હજી સુધી પોતાના સંબંધો અંગે કંઈ જ કહ્યું નથી.

કિમે 2010માં લગ્ન કર્યાં હતાં
2010માં કિમ શર્માએ કેન્યામાં રહેતા બિઝનેસમેન અલી પુંજાની સાથે મોમ્બાસામાં લગ્ન કર્યાં હતાં. જોકે, બંનેએ એપ્રિલ 2017માં ડિવોર્સ લીધા હતા. અલી પહેલેથી જ પરિણીત હતો અને ત્રણ બાળકોનો પિતા હતો. પત્નીને ડિવોર્સ આપ્યા બાદ અલીએ કિમ સાથે લગ્ન કર્યાં હતાં.

યુવરાજ સિંહ સાથે પણ નામ જોડાઈ ચૂક્યું છે
કિમ શર્મા સૌથી પહેલા ક્રિકેટર યુવરાજ સિંહ સાથેના અફેરના કારણે ચર્ચામાં આવી હતી. બંનેના સંબંધ 4 વર્ષ સુધી રહ્યાં અને 2007માં તેમનું બ્રેકઅપ થઈ ગયું હતું. સૂત્રોના મતે, યુવરાજની માતાને કિમ ગમતી ના હોવાના કારણે આ સંબંધનો અંત આવ્યો હતો. યુવરાજ સાથેના બ્રેકઅપ બાદ કિમે સ્પેનિશ બૉયફ્રેન્ડ કોર્લોસ માર્ટિનને ડેટ કર્યું. બંને લગ્ન કરી મેડ્રિડ શિફ્ટ થવાના હતા, પરંતુ કોઈ કારણોસર તેમણે સગાઈ તોડી નાખી હતી.

2019માં હર્ષવર્ધન રાણે સાથે અફેર હતું
કિમ શર્મા તથા હર્ષવર્ધન રાણે વચ્ચે પણ સંબંધો હતા. તે સમયે ચર્ચા હતી કે બંને સગાઈ કરવાના છે. જોકે, આ સંબંધ પણ લાંબો સમય ટક્યો નહીં અને બંને અલગ થઈ ગયા.

લિએન્ડરે 2017માં ડિવોર્સ લીધા

2005માં લિએન્ડરે રિયા પિલ્લાઇ સાથે લગ્ન કર્યાં હતાં. 2017માં બંનેના ડિવોર્સ થયા હતા. લિએન્ડરનું નામ સૌ પહેલાં બોલિવૂડ એક્ટ્રેસ મહિમા ચૌધરી સાથે જોડાયું હતું. જોકે, મહિમા સાથેના સંબંધો તૂટ્યા બાદ લિએન્ડરે રિયા સાથે લગ્ન કર્યાં હતાં.

આવી છે કિમની ફિલ્મી સફર
કિમ જાહેરાતોમાં કામ કરતી હતી ત્યારે ડિરેક્ટર-પ્રોડ્યૂસર આદિત્ય ચોપરાની નજર એક્ટ્રેસ પર પડી હતી. આદિત્યે કિમને પ્રથમ બ્રેક ફિલ્મ ‘મોહબ્બતેં’(2000)માં આપ્યો હતો. ત્યારબાદ કિમે ‘ફિદા’, ‘તુમ્સે અચ્છા કૌન હૈ’, ‘નહલે પે દહલા’, ‘ખડગમ’, ‘ટૉમ ડિક એન્ડ હૈરી’, ‘યકીન’, ‘છોડો ના યાર’, ‘તાજમહલ’ અને ‘જીંદગી રોક્સ’ જેવી ફિલ્મ્સમાં કામ કર્યું છે. કિમ છેલ્લે 2010માં ફિલ્મ ‘યગમ’માં જોવા મળી હતી.

અન્ય સમાચારો પણ છે…

[ad_2]

Source link

Leave a Comment

Your email address will not be published. Required fields are marked *